行銷電話

"願你記住 結束感情沒有罪 變心不是你不對 假使背著良心一起太傻女"
我手提電話既鈴聲響起，來電顯示係一個我唔識既電話號碼，於是我按"YES"接聽。

"早晨! 請問係唔係 XXX 小姐?" 係一個女子既聲音。
"係，邊位呀?"
然後佢就好似小學D浮誇朗誦比賽咁，用非常抑揚鈍挫又誠懇既語氣繼續。
"X 小姐你好呀! 我呢度係獅子銀行打黎既~ 我叫Elsa呀..."
我心諗: 死，唔通又好似上次咁，唔記得過數搞到彈票?
"為左答謝x小姐多年來對我地銀行既支持，我地預先為x小姐你批核左一個超低息個人貸款架~"
"er...我諗我唔需要借錢，bye"

獅子銀行既電話，老實講，好多人都唔會唔聽，話哂我都將半副身家放左係佢地銀行，但不能不讚既係佢地d行銷電話其實都幾有誠意，at least 佢係用真人打電話比你，語氣都ok，最憎就係以下d咁既開場白:

"你好!321為你提供國際漫遊服務"
<頂!播帶!死開啦!>
"喂!請問係咪87654321既機主呀?"
<頂!即係你唔識我架啦!死開!>
"小姐你好呀!請問方唔方便同你做個訪問呢?"
<妖!自從中過IXG保險公司既訪問陷阱之後 (真係超勁憎呢種推銷手法，賤格)，一聽到訪問就想講粗口!死開!>

我都明白你地打份工0者，但我都想你地明白我出部手提電話唔係要黎比你地不停轟炸架，而且唔該唔好係我返左大陸既時候浪費我D漫遊分鐘啦! 頂!