壓力瘡

前幾日同班舊同事食飯，其中一位當年FRESH GRAD 入黎我地公司，可能返工既生活同佢以前係U既生活太唔一樣 (我諗十個有十個大學生都係唔願起身又走下堂呀~跟住三更半夜先訓~)，再加上一生人第一次比上司捽，返左工唔夠一個月就爆哂暗瘡，我地戲謔為 "壓力瘡"。講下講下，另一個舊同事都話，轉左工之後都係佢俊俏既臉上(佢自稱)生左2粒壓力瘡，仲話好驚佢女友唔要佢云云~

講開我地呢行，可能講你都唔信。 你咪以為D會計師個個西裝骨骨外表斯文咁，其實好多大既會計師行既OFFICE 入面 (當然唔會係見客果一層/果一個AREA)，好多時都粗口橫飛，曾經有位舊同事同我講，原來佢而家每個星期五都要同老頂開會，然後例牌比人用粗口問候一番。咁既CULTURE，都真係幾唔可取。

到我而家要管理一個小組，我都十分唔贊成要去咁激黎對D同事。我承認自己都有心情唔好比面色人睇既時候，但就真係甚少用好重既語氣黎話同事，我覺得佢做唔掂D野，係我安排得唔好，OR我冇教過佢所以佢做唔到，除非係一D好嚴重既CARELESS MISTAKE，否則我都好少話佢地。我覺得大家都大學生，點都有少少羞恥之心掛，見到自己做既野次次比人改到七彩，正常既人都會自己檢討下，希望改善下。

係...我個人係比較樂觀少少...相信佢地會改... 雖然我已經幫佢地改左好多次... 呀邊個邊個: 係The directors HAVE 呀，唔係 the directors HAS 呀...